Kids Club: Vizita e Florit të Portokallisë

Sot, si pjesë e programit për Klubet verore të fëmijëve ishte dita e personazheve të njohur ku i ftuari ynë ishte Flori i Portokallisë. Fëmijët u zbavitën mjaft duke zbuluar detaje nga jeta dhe suksesi i tij si artist. Për rreth 30 minuta ata patën mundësi t’i bënin Florit pyetje nga më të ndryshmet si dhe të zbaviteshin me performancën e tij vetëm për ta.

Flori u tregoi fëmijëve historinë e tij se si u bë artist edhe pse në shkollë kishte studiuar për t’u bërë piktor. Por edhe si artist ai theksoi nevojën për t’u ushtruar çdo ditë si e vetmja mënyrë për të qenë i mirë.

Ai, gjithashtu, u shpjegoi fëmijëve se si punonte për të krijuar rolet e ndryshme të Portokallisë dhe mbi të gjitha se si frymëzohej nga dëshira për t’i bërë njerëzit që të qeshin.

Flori u tregoi fëmijëve se dëshironte gjithmonë të kalonte më shumë kohë me familjen edhe pse puna e mbante mjaft të ngarkuar veçanërisht gjatë sezonit të Portokallisë.

Në fund, fëmijët u mblodhën të gjithë për të bërë disa foto grupi si dhe për të folur më nga afër me këtë personazh aq të mirënjohur dhe të dashur edhe për ta.