Programet e verës

Në kampet e verës, fëmija juaj do të ketë mundësinë të mësojë anglisht në një formë të këndëshme, duke marrë informacion gjuhësor dhe kulturor nëpërmjet librit mjaft interesant “Our World”. Libri ka si qëllim të zhvillojë aftësitë e të menduarit, përmirësimin e memories, zhvillimin e imagjinatës, motivimin dhe argëtimin e fëmijës. Ai do të dëgjojë dhe përsërisë fjalë e shprehje si edhe të këndojë e ndërveprojë në anglisht. Illustrimet, historitë argëtuese, e këngët do e zbavisin pa masë.

Prania e grupit me të rinj nga Amerika do ta ndihmojë që të përvetësojë edhe më tej njohuritë dhe eksperiencën e gjuhës angleze.

Veçoritë e këtij kampi:

1. Grupe sipas moshave – 5-7 vjeç, 8-9 vjeç dhe 10-12 vjeç
2. Mjedis Anglishtfolës me mësues shqiptarë dhe amerikanë;
3. Aktivitete sportive në natyrë;
4. Projekte javore që fokusohen në përforcimin e vlerave;
5. Aktivitete të ndryshme zbavitëse si: lojra, punime me dorë, vizatime, krijime posterash, muzikë, etj.

  Kohëzgjatja: 5 javë (17 Qershor – 19 Korrik);
  Orari: 9:00 – 12:00 (çdo ditë hënë-premte).

Këtë verë, kurset tona të mirënjohura të gjuhës angleze, i ofrojnë fëmijës tuaj mundësinë të mësojë një nivel të plotë gjuhësor në një kohë të shkurtër, me një çmim më të favorshëm se kurset normale. Përveç orëve të gjuhës, fëmija juaj do angazhohet edhe në aktivitete të tjera që do zhvillohen si pjesë e kampeve të verës.

  Kohëzgjatja: 5 javë (17 Qershor – 19 Korrik);
  Orari: 9:00 – 12:00 (çdo ditë hënë-premte).

Një kurs i veçantë me mësues amerikanë që ndërthur aftësitë gjuhësore me muzikën.

Sesionet përmbajnë aktivitete dhe teknika ndërveprimi me muzikë ku studenti do të mësojë më shumë shprehje idiomatike, kohë foljesh dhe fjalor të ri më të zgjeruar.

Aspekti kreativ i këtij kursi do ta lejojë studentin të krijojë tekste këngësh dhe histori të vetat bazuar mbi këngët të ndryshme.

Kohëzgjatja: 15 seanca, gjatë periudhës 17 Qershor – 19 Korrik
Orari: Çdo ditë nga e hëna – të premte. 17:00 - 18:20 ose 18:30 - 19:50

Gjuha gjermane tashmë është një domosdoshmëri. Kursi që ju ofrojmë, do ta lejojë fëmijën tuaj të mësojë në një ambient të përshtatshëm dhe format ndërveprues e stimulues për mësimin e kësaj gjuhe.

Kursi ka 6 nivele (A1-B1) me histori të shkurtra argëtuese dhe këngë. Aktivitetet dhe lojërat shërbejnë për të përforcuar të nxënin. Ilustrimet, historitë argëtuese, këngët dhe posterat do ta zbavisin pa masë fëmijën tuaj.

  Kohëzgjatja: 30 seanca/nivel (fillojnë në qershor)
  Orari: paradite dhe pasdite (çdo ditë ose tre herë në javë).

Këtë verë ju ofrojmë dy kurse ​teknologjie.

I pari titullohet TechnoKids,  kushtuar fëmijëve 6-8 vjeç dhe 9-12 vjeç, që do ta ndihmojnë fëmijën tuaj të zbavitet dhe aftësohet në përdorimin e programeve të ndryshme kompjuterike. Klikoni këtu për më shumë.

I dyti titullohet Scratch, ku nëpërmjet këtij kursi fëmija juaj do mësojnë si të ndërtojnë histori duke përdorur grafikat kompjuterike, lojëra dhe animacione me anë të një gjuhe programimi që quhet “Scratch” e cila është krijuar nga ekspertët e MIT Media Lab.

Ky kurs e lejon fëmijët tuaj të zhvillojë ato aftësi kompjuterike që do mbartë me vehte gjatë gjithë zhvillimit të vetë edukativ dhe profesional. Lexoni këtë shkrim për më shumë.

Kohëzgjatja: 15 seanca (fillon në qershor)
Orari: 12:00-13:30 ose pasdite (çdo ditë hënë-premte, ose tre herë në javë).

Qendrat Linkoln disponojnë një gamë të mirë kursesh muzikore për piano, kanto, kitarë dhe violinë që do e lejojnë fëmijën tuaj të zhvillojë më tej aftësitë dhe shprehitë artistike që e karakterizojnë çdo fëmijë. Kurset tona ofrohen individualisht ose në grupe të vogla.

  Kohëzgjatja: 10 seanca/cikli (17 Qershor – 19 Korrik);
  Orari: paradite ose pasdite (çdo ditë hënë-premte ose tre herë në javë).