— Kush jemi?
Qendra Linkoln ka fuqizuar njerëzit përmes edukimit cilësor për gati 3 dekada.
— Kujt i shërbejmë?
Fondacioni Abraham Linkoln i Shqipërisë (emri ynë ligjor) u themelua në vitin 1997. Ai nisi me një qëllim të thjeshtë, por ambicioz: të bëhej organizata më e besueshme në mësimdhënie në Shqipëri.
Edhe pse nisi si një shkollë e vogël gjuhësh të huaja, u shndërrua në një institucion arsimor lider, duke u shërbyer fëmijëve, të rriturve dhe profesionistëve në të gjithë Shqipërinë, duke pasur më shumë se 99,000 nxënës që kanë marrë certifikime të njohura në gjuhën angleze dhe fusha të tjera.
— Arsim i besueshëm
Shërbimi është një privilegj. Ne ekzistojmë si organizatë për t’u shërbyer të tjerëve për të mirën e tyre.
Edukimi duhet të formojë aftësi edhe karakter. Çdo kurs që ofrojmë, qoftë për fëmijë, qoftë për profesionistë apo organizata, është i ndërtuar për t’u mundësuar nxënësve rritje dhe sukses gjatë gjithë jetës.
Certifikata të dhëna
Mësues
Programe
— Ofrojmë mundësi
Ne hapëm Qendrën e parë Linkoln në Tiranë në shtator 1997 të drejtuar nga vlera të krishtera dhe frymë shërbimi. Brenda pak muajsh qindra studentë u regjistruan dhe, shpejt, Linkolni u bë i njohur për integritetin dhe cilësinë.
Me rritjen e organizatës, u zgjerua edhe shtrirja e saj. Nga fillimet modeste në Rr. Qemal Stafa, në disa qendra që i shërbejnë komunitetit, misioni i Linkolnit ka mbetur i njëjtë: t’u mundësojë individëve dhe organizatave arritjen e potencialit të tyre më të lartë.
— Vlerat tona —
Ne:
Ne jemi të suksesshëm atëherë kur studentët tanë kanë sukses.
Ne frymëzohemi kur shohim fëmijët që mësojnë, drejtuesit që zhvillohen dhe familjet që përparojnë.
Ne përdorim çdo burim që na është besuar me kujdes dhe përgjegjësi.
— Mbikëqyrja
Fondacioni Abraham Lincoln i Shqipëris është një organizatë jofitimprurëse e cila mbështetet për shumicën e të ardhurave nga programet dhe shërbimet e tij, duke mundësuar tarifa të përballueshme dhe të aksesueshme.
Linkolni merr çdo vit donacione dhe dhurata nga partnerë që dëshirojnë të shohin shqiptarët të përparojnë. Mbështetja e tyre ndihmon në bursa dhe projekte të veçanta. Ky model na lejon të ndjekim misionin tonë me pavarësi, qëndrueshmëri dhe integritet.
Linkolni drejtohet nga një Bord i pavarur dhe vullnetar, pa interesa financiare në organizatë. Anëtarët e Bordit drejtues nuk marrin kompensim dhe shërbejnë vetëm për të siguruar përgjegjshmëri dhe administrim të besueshëm të burimeve.
Në Linkoln ne e masim suksesin student pas studenti. Çdo certifikatë, çdo mësim dhe çdo partneritet pasqyron angazhimin tonë të vazhdueshëm ndaj idesë së thjeshtë që ishte baza e nisjes: “Edukimi që të duhet nga njerëzit që u beson”.
