Ka ende kohë për t’u regjistruar në një kurs që mund t’ju ndryshojë jetën! →
Një kurs mund të hapë një derë të re, të rrisë vetëbesimin tuaj dhe të ndryshojë mënyrën se si e shihni të ardhmen.
Ka ende kohë për t’u regjistruar në një kurs që mund t’ju ndryshojë jetën! →
Një kurs mund të hapë një derë të re, të rrisë vetëbesimin tuaj dhe të ndryshojë mënyrën se si e shihni të ardhmen.
Njerëzit që kërkojnë kurse anglishteje në Tiranë shpesh kanë të njëjtat pyetje: Cilën shkollë duhet të zgjedh? Sa do të kushtojë? Sa kohë do të më duhet? Pse e kuptoj anglishten, por ende e kam të vështirë ta flas?
Prindërit kanë një tjetër grup pyetjesh. Cili është programi më i mirë për fëmijën tim? Si mund ta kuptoj nëse fëmija im ka vështirësi me anglishten apo me disa nga aftësitë bazë të nevojshme për të mësuar?
Ne japim mësim në Tiranë që prej vitit 1997, ndaj këto pyetje i kemi dëgjuar mijëra herë. Më poshtë janë disa përgjigje të drejtpërdrejta për pyetjet që njerëzit në Tiranë bëjnë më shpesh.
Në Tiranë ka disa shkolla të mira të gjuhës angleze. Shkolla më e mirë për ju është ajo që mund të përcaktojë me saktësi nivelin tuaj aktual, të kuptojë atë që dëshironi të arrini, t’ju vendosë në kursin e duhur, t’ju ofrojë mësues të shkëlqyer dhe t’ju tregojë përparimin tuaj të matshëm me kalimin e kohës.
Kur krahasoni shkollat e anglishtes, bëni disa pyetje bazë:
Lincoln Centers of Albania jep mësim të gjuhës angleze në Tiranë që prej vitit 1997. Ne ofrojmë programe për fëmijë, adoleshentë, studentë universiteti, të rritur që punojnë, profesionistë, kompani dhe institucione. Programet tona të anglishtes variojnë nga niveli fillestar deri tek nivelet e përparuara dhe përfshijnë Anglishten e Përgjithshme, Business English, Anglisht për profesione specifike dhe përgatitje për provime ndërkombëtare.
Këshilla jonë — edhe nëse nuk zgjidhni Lincoln — është e thjeshtë: mos zgjidhni një kurs anglishteje vetëm për shkak të çmimit, vendndodhjes apo reklamës. Zgjidhni një shkollë që ka një plan të besueshëm për t’ju ndihmuar të arrini përparim të matshëm.
Çmimet e kurseve të anglishtes në Tiranë ndryshojnë ndjeshëm në varësi të shkollës, numrit të orëve mësimore, madhësisë së grupit, kualifikimeve të mësuesit, materialeve dhe nëse kursi zhvillohet në grup apo individualisht.
Aktualisht, në Lincoln, një kurs standard në grup kushton përgjithësisht 650 lekë për seancë prej 70 minutash, megjithëse mund të kenë çmime të ndryshme kurset e specializuara, mësimi individual, trajnimet për kompani dhe programet e tjera.
Kur krahasoni çmimet, pyesni se çfarë përfshin realisht tarifa. Një kurs më i lirë nuk është domosdoshmërisht më i lirë në afat të gjatë nëse ju duhet të përsërisni një nivel ose bëni pak përparim.
Një përllogaritje e dobishme do të ishte:
çmimi total i kursit ÷ numri real i orëve mësimore = kostoja për orë mësimi.
Më pas, krahasoni cilësinë dhe sasinë e mësimit që merrni për atë çmim. Kur e bëni këtë, do të kuptoni se çmimet tona ofrojnë një vlerë të jashtëzakonshme.
Nëse po konsideroni një kurs në Lincoln, na kontaktoni për orarin aktual, çmimin dhe mundësitë e disponueshme të klasave për nivelin tuaj.
Mënyra më e mirë për të përcaktuar nivelin tuaj të anglishtes është përmes një testimi vlerësues, në vend që të përpiqeni ta përcaktoni vetë.
Niveli i gjuhës angleze përshkruhet zakonisht duke përdorur nivelet CEFR:
A1 – Fillestar
A2 – Mesatar i ulët
B1 – Mesatar
B2 – Mesatar i përparuar
C1 – I përparuar
Megjithatë, aftësia juaj mund të mos jetë e njëjtë në çdo fushë. Dikush mund të lexojë anglisht në nivelin B2, por të flasë në nivelin B1. Një person tjetër mund të ketë njohuri të shumta gramatikore, por të ketë vështirësi në kuptimin e anglishtes së folur.
Prandaj, një proces i dobishëm I vlerësimit të nivelit duhet më shumë sesa thjesht njohja e disa rregullave gramatikore.
Lincoln ofron vlerësim të nivelit të gjuhës angleze në Tiranë për të ndihmuar në përcaktimin e pikës së duhur të nisjes për një student. Më pas, ne rekomandojmë nivelin dhe kursin që i përshtatet më mirë aftësive dhe objektivave aktuale të studentit.
Nëse keni studiuar anglisht më parë, por nuk e dini nga duhet të filloni përsëri, filloni me vlerësimin e nivelit dhe jo me një hamendësim për nivelin tuaj.
Ky është një problem i zakonshëm.
Shumë njerëz në Shqipëri kanë studiuar gramatikë dhe fjalor të gjuhës angleze për vite dhe mund të kuptojnë një pjesë të madhe të anglishtes. Por kur dikush u flet, ata hezitojnë, përkthejnë në mendje, kërkojnë fjalët e duhura ose kanë frikë të bëjnë gabime.
Të dish anglisht dhe ta përdorësh anglishten në mënyrë automatike nuk janë e njëjta gjë.
Të folurit përmirësohet kur ju duhet rregullisht të gjeni fjalët, të formoni fjali, të dëgjoni, të përgjigjeni, të bëni gabime, të merrni korrigjime dhe të provoni përsëri.
Nëse të folurit është pika juaj e dobët, ndoshta nuk keni nevojë thjesht të studioni më shumë gramatikë. Keni nevojë për një kurs që t’ju ofrojë mundësi të shumta dhe të strukturuara për të përdorur anglishten që tashmë dini, ndërkohë që vazhdoni të zhvilloni fjalorin, saktësinë, të kuptuarit e gjuhës së folur dhe vetëbesimin.
Një nga gjërat e para që përpiqemi të përcaktojmë në Lincoln nuk është thjesht: “Sa anglisht di ky person?”
Ne duam gjithashtu të dimë:
“Çfarë mund të bëjë realisht ky person me anglishten që di?”
Ky dallim mund të bëjë një ndryshim të madh.
Nuk ka një përgjigje të sinqertë si “tre muaj” ose “gjashtë muaj” që vlen për të gjithë.
Koha që nevojitet për të arritur rrjedhshmërinë në anglisht varet nga niveli juaj fillestar, objektivi juaj, numri i orëve që studioni, sasia e anglishtes që përdorni jashtë klasës, frekuentimi dhe sa rregullisht praktikoni.
Një person që fillon në nivelin A1 ka një rrugëtim shumë më të gjatë drejt B2 sesa dikush që është tashmë në nivelin B1.
Gjithashtu, nuk ka një përkufizim të vetëm të “rrjedhshmërisë”. Një person mund të ndihet rehat në bisedat e përditshme shumë kohë përpara se të jetë gati të negociojë një kontratë, të studiojë në një universitet në gjuhën angleze ose të bëjë një prezantim profesional.
Një pyetje më e mirë është:
“Çfarë niveli të anglishtes më duhet për atë që dua të arrij?”
Pasi të dimë objektivin dhe nivelin tuaj aktual, mund të përcaktojmë nivelet që duhen kaluar nga njëri te tjetri.
Mësimi i anglishtes zakonisht kuptohet më mirë si përparim i qëndrueshëm përmes fazave të matshme, sesa si një garë drejt një pike të papërcaktuar që quhet “rrjedhshmëri”.
Filloni me nxënësin, jo me tekstin mësimor.
Një program i mirë i gjuhës angleze duhet t’i përshtatet moshës, nivelit aktual, nevojave për të mësuar dhe qëllimit të studentit.
Për të rriturit, pyesni nëse kursi do t’ju ndihmojë të arrini objektivin tuaj real. Anglishtja për udhëtime, studime universitare, takime biznesi, provime ndërkombëtare dhe zhvillim profesional mund të kërkojë qasje të ndryshme.
Për fëmijët, merrni gjithashtu në konsideratë nëse klasa është interesante, e përshtatshme për moshën, e strukturuar, inkurajuese dhe nëse zhvillohet nga dikush që kupton mënyrën se si mësojnë fëmijët.
Kërkoni:
Prindërit duhet të jenë veçanërisht të kujdesshëm ndaj supozimit se fillimi i anglishtes në moshë shumë të vogël garanton automatikisht rrjedhshmërinë. Cilësia dhe vazhdimësia e përvojës së të mësuarit kanë një rëndësi të jashtëzakonshme.
Lincoln ofron programe të ndryshme për fëmijët e vegjël, fëmijët e moshës shkollore, adoleshentët dhe të rriturit, sepse një fëmijë gjashtëvjeçar dhe një i rritur tridhjetë e gjashtë vjeç nuk duhet ta mësojnë anglishten në të njëjtën mënyrë.
Lincoln ofron programe të gjuhës angleze në Tiranë, nga fëmijëria e hershme deri te nivelet e avancuara për të rritur dhe profesionistë.
Për fëmijët dhe adoleshentët, programet përfshijnë kurse anglishteje të përshtatura për moshën, të cilat zhvillojnë të dëgjuarit, të folurit, të lexuarit, të shkruarit, fjalorin, gramatikën dhe vetëbesimin ndërsa studentët përparojnë.
Për të rriturit, Lincoln ofron Anglisht të Përgjithshme, si edhe programe të specializuara, duke përfshirë:
Studentët mund të fillojnë në nivele të ndryshme. Një person që nuk ka studiuar kurrë anglisht nuk ka pse të presë deri në një moshë të caktuar për të filluar, ndërsa një nxënës i avancuar nuk duhet të vendoset në një kurs ku thjesht përsërit materialin që tashmë e zotëron.
Hapi i parë është të përcaktojmë ku jeni tani dhe ku dëshironi të arrini.
Më pas mund t’ju ndihmojmë të identifikoni programin e duhur.
Po.
Lincoln ofron Business English dhe trajnime të personalizuara për profesionistë, kompani, organizata dhe institucione në Shqipëri.
Programi ynë Business English zhvillon aftësitë gjuhësore që njerëzit kanë realisht nevojë në mjediset profesionale, duke përfshirë takimet, prezantimet, negociatat, emailet, fjalorin profesional dhe komunikimin ndërkulturor.
Lincoln zhvillon gjithashtu trajnime të personalizuara për grupe pune dhe organizata. Trajnimi mund të përshtatet sipas nivelit të anglishtes, përgjegjësive profesionale, industrisë dhe objektivave të pjesëmarrësve.
Përveç trajnimit gjuhësor, Lincoln ofron programe zhvillimi profesional në fusha të tilla si menaxhimi, komunikimi dhe Microsoft Office.
Për një organizatë, pyetja e parë nuk duhet të jetë:
“Cilin kurs mund të blejmë?”
Duhet të jetë:
“Çfarë duhet të jenë në gjendje të bëjnë më mirë njerëzit tanë pasi të përfundojë trajnimi?”
Trajnimi i mirë për kompanitë fillon me rezultatin e dëshiruar dhe ndërtohet duke nisur nga ai rezultat.
Të huajt që jetojnë në Tiranë mund të mësojnë gjuhën shqipe në Lincoln Centers of Albania.
Programi Shqip për të Huaj i Lincoln është krijuar posaçërisht për banorët ndërkombëtarë që dëshirojnë të mësojnë shqip praktike për jetën e përditshme në Shqipëri.
Theksi vihet te komunikimi i dobishëm: komunikimi me fqinjët dhe kolegët, blerjet, transporti, situatat sociale, mjediset e punës dhe pjesëmarrja me më shumë siguri në jetën shqiptare.
Programi përparon nga A1.1 deri në B1.2, me mundësi për studime të mëtejshme në nivele të avancuara ose profesionale.
Çdo nivel përfshin mësim të strukturuar në të folur, të dëgjuar, fjalor, gramatikë, të lexuar dhe të shkruar, por qëllimi nuk është thjesht njohja e gramatikës së shqipes.
Qëllimi është ta përdorni shqipen në Shqipëri.
Shumë të huaj zbulojnë se edhe njohja bazë e shqipes ndryshon përvojën e tyre të jetesës këtu. Ju kuptoni më shumë nga kultura që ju rrethon, komunikoni me njerëz me të cilët përndryshe nuk do të mund të komunikonit dhe merrni pjesë më plotësisht në komunitet.
Prindërit që shohin se fëmija i tyre ka vështirësi në shkollë shpesh bëjnë pyetjen: “A ka nevojë fëmija im për më shumë mësime ndihmëse?”
Ndonjëherë mësimet ndihmëse janë pikërisht ajo që nevojitet. Por ndonjëherë vështirësia qëndron më thellë sesa një koncept i pamësuar në matematikë apo një rregull gramatikor në anglisht.
Të nxënit varet nga aftësitë bazë kognitive, si vëmendja, memoria e punës, shpejtësia e përpunimit të informacionit, përpunimi dëgjimor dhe pamor, arsyetimi dhe aftësi të tjera që truri përdor për të marrë, përpunuar, ruajtur dhe rikujtuar informacionin.
Lincoln Brain Lab në Tiranë ofron Testin Gibson si formë vlerësimi të aftësive kognitive dhe trajnim individual të këtyre aftësive për fëmijët dhe të rinjtë që mund të kenë vështirësi në të nxënë.
Ky informacion mund t’i ndihmojë prindërit të kuptojnë më mirë pse të nxënit mund të jetë i vështirë dhe çfarë lloj ndërhyrjeje mund të jetë e përshtatshme.
Lincoln Brain Lab përdor metodologji të njohura ndërkombëtarisht për testimin kognitiv dhe trajnimin BrainRx. Trajnimi është individual dhe synon forcimin e aftësive specifike njohëse përmes ushtrimeve intensive dhe të fokusuara.
Është e rëndësishme të kuptohet dallimi midis një vlerësimi kognitiv dhe një diagnoze mjekësore. Testimi kognitiv Gibson mund të ofrojë informacion të vlefshëm për aftësitë e të nxënit, por nuk zëvendëson një vlerësim nga një mjek, psikolog ose profesionist tjetër klinik i kualifikuar kur nevojitet një diagnozë mjekësore ose psikologjike.
Për disa fëmijë, pyetja nuk është thjesht: “Si mund t’i ndihmojmë të mësojnë më shumë?”
Pyetja më e mirë mund të jetë: “Çfarë po e bën të nxënit kaq të vështirë në radhë të parë?”
Kjo është pyetja që një test vlerësues i mirë duhet t’ju ndihmojë të merrni përgjigjen e dëshiruar.
Këto janë disa nga pyetjet që dëgjojmë më shpesh, por çdo nxënës është i ndryshëm.
Nëse po zgjidhni një kurs anglishteje, po kërkoni kurse të gjuhës shqipe, po organizoni trajnime për institucionin ose organizatën tuaj, ose po përpiqeni të kuptoni pse fëmija juaj ka vështirësi në të nxënë, flisni me ne.
Na tregoni çfarë dëshironi të arrini. Ne do t’ju ndihmojmë të përcaktoni hapin e ardhshëm.
Lincoln Centers of Albania
Arsim i besueshëm në Tiranë që prej vitit 1997.
