Programi “Safari 1–3” është hapi i parë i fëmijëve të vegjël në gjuhën angleze në Linkoln. Ne ofrojmë një mjedis argëtues, të sigurt dhe të ngrohtë, të krijuar posaçërisht për të zhvilluar aftësitë bazë gjuhësore. Programi fokusohet në fillesat e të lexuarit, të dëgjuarit, të folurit dhe shqiptimit të saktë—të gjitha këto të përcjella përmes aktiviteteve që fëmijët i duan aq shumë, si tregime, këngë, punëdore, lojëra dhe aktrim me role.
Çdo mësim është konceptuar me kujdes për të zgjuar kureshtjen dhe vëmendjen e të vegjëlve, duke i ndihmuar ata ta shohin mësimin e anglishtes si një aktivitet plot hare dhe krijimtari. Programi nxit vetëbesimin e fëmijëve për të përdorur fjalë të reja, për të formuar fjali të thjeshta dhe për të ndërvepruar me shokët, duke hedhur kështu themele të forta për përvetësimin e gjuhëve të huaja.
Çdo nivel përfshin 56 seanca 50-minutëshe. Kjo kohëzgjatje është ideale për t’u dhënë fëmijëve kohën e mjaftueshme për të mësuar gjuhën, duke zgjeruar gradualisht fjalorin dhe duke përmirësuar shqiptimin dhe aftësinë për të kuptuar.
Nivelet:
Safari 1 → Safari 2 → Safari 3 → Kalimi tek programi Super Minds 0–6