Argëtohu, zbulo talentin, mëso anglisht!

Moshat 10-12 vjeç

1. Klubi: Argëtohu nëpërmjet MEDIAS

Në Klubin e Medias fëmijët do të pasurojnë fjalorin e tyre dhe do të zhvillojnë më tepër aftësitë e tyre komunikuese dhe krijuese me anë të videove, këngëve dhe kuizeve. Çdo ditë temat do të jenë të ndryshme, të përshtatshme për këtë grupmoshë dhe mjaft interesante. Do të fillohet me fjalorin në lidhje me temën e ditës, vazhdohet me një video të shkurtër mbi të cilën fëmijët do të diskutojnë dhe do të kenë mundësi të shpalosin aftësitë e tyre krijuese, do të ketë kuize në lidhje me temën dhe fjalorin paraardhës dhe ora do të mbyllet me një këngë në lidhje me temën e ditës. Ora e këtij klubi  do të jetë 80 minuta.

2. Klubi: Zbulojmë KULTURAT

Në  këtë klub fëmijët do të kenë mundësi të marrin njohuri mbi kulturën e vendeve të ndryshme si Shqipëria, Shtetet e Bashkuara të Amerikës, Anglia, Franca, Kina, India, Australia  etj., si edhe të përmirësojnë aftësitë komunikuese dhe ndërvepruese në gjuhën angleze. Ata do të diskutojnë rreth kulturës, traditave, pikave turistike, kurioziteteve mbi vendet e përzgjedhura.

Do të argëtohen me aktivitete të larmishme, si lojëra, krijime posterash, debate, diskutime e kuize që do të zhvillojnë aftësinë  konkuruese,  do të pasurojnë fjalorin e njohuritë e fëmijëve dhe do të mundësojnë padyshim një eksperience të bukur për ta. Ora e klubit të kulturës do të jetë 80 minuta.

3. Klubi: Art dhe TALENT

Fëmijët do të zbaviten duke krijuar objekte përmes punës së dorës. Qëllimi i këtij aktiviteti është të zhvillojë aftësitë krijuese te fëmijët. Ata do të mësojnë si të përdorin ngjyrat dhe të ndërtojnë objekte në mënyrë krijuese. Çdo ditë  do të ketë një temë të caktuar. Ora e klubit të artit do të jetë 80 minuta.

4. Klubi : Komunikim dhe VLERA

Klubi i Komunikimit këtë verë do të bashkojë fëmijët e moshës 10 – 12 vjeç në një mjedis anglishtfolës në mënyrë që pjesëmarrësit të përmirësojnë aftësinë e komunikimit në anglisht duke u bërë pjesë e aktiviteteve të ndryshme.  Çdo ditë mësuesja do të prezantojë fjalorin e nevojshëm nëpërmjet një fotografie e cila do të nxisë fëmijët në diskutim rreth saj dhe më pas ata do të sfidohen duke u bërë pjesë e punëve të ndryshme në dyshe, grup, ndarje në role, etj.

Aktivitetet janë të shumëllojshme dhe interesante, p.sh. si të porosisim ushqim në restorant, të blejmë në dyqan, të flasim rreth sporteve, muzikës, filmave, udhëtimeve në kohë etj. E fundit, por jo më pak e rëndësishme është risia e këtij viti, VLERAT. Çdo javë do të ketë në thelb një vlerë të caktuar dhe mësueset tona do të sigurohen që fëmijët jo vetëm ta mësojnë këtë vlerë por edhe ta bëjnë pjesë të përditshmërisë së tyre. Ora e klubit të komunikimit do të jetë 80 minuta.

Gjatë 3 orëve që do të qëndrojnë në Qendrën Linkoln fëmijët do të kenë mundësinë të:

• të mësojnë historinë, fjalët, këngën e re në klasë- 100 min
• të argëtohen në ajër të pastër nën mbikëqyrjen e mësueses- 20 minuta
• të kryejnë aktivitete të ndryshme zbavitëse si: lojëra, punime me dorë, vizatime, krijime posterash- 60 minuta.

Moshat 5-7 vjeç

Fëmijët e kësaj moshe do të argëtohen duke mësuar anglisht nëpërmjet metodës së fundit për fëmijë të vegjël “Say Hello”. Ata do të njihen me Arushin Ben dhe miqtë e tij Tom dhe Polly dhe falë këtyre personazheve mësimi do të jetë motivues dhe argëtues. Do të dëgjojnë dhe përsërisin fjalë dhe shprehje; do të këndojnë e ndërveprojnë në anglisht si dhe do të argëtohen duke krijuar punime të vogla në lidhje me aventurat e personazheve. Ilustrimet, historitë argëtuese, këngët dhe posterat do t’i zbavisin pa masë fëmijët.

Gjatë 3 orëve që do të qëndrojnë në Qendrën Linkoln fëmijët do të kenë mundësinë të:

• të mësojnë historinë, fjalët, këngën e re në klasë- 100 min
• të argëtohen në ajër të pastër nën mbikëqyrjen e mësueses- 20 minuta
• të kryejnë aktivitete të ndryshme zbavitëse si: lojëra, punime me dorë, vizatime, krijime posterash- 60 minuta.

Moshat 8-9 vjeç

Fëmijët e kësaj moshe do të kenë mundësi të mësojnë anglisht në një formë të këndshme, duke marrë informacion gjuhësor dhe kulturor nëpërmjet  metodës “Primary Colors. Metoda ka si qëllim të zhvillojë aftësitë e të menduarit, përmirësimin e memories, zhvillimin e imagjinatës etj. Gjithashtu fëmijët do të kombinojnë aftësitë e tyre në anglisht me krijimtarinë, duke vizatuar, ngjyrosur, duke prerë e ngjitur si edhe lojëra të shumta.

Gjatë 3 orëve që do të qëndrojnë në Qendrën Linkoln fëmijët do të kenë mundësinë të:

• të mësojnë historinë, fjalët, shprehjet e reja gjuhësore- 100 min
• të argëtohen në ajër te pastër nën mbikëqyrjen e mësueses- 20 minuta
• të kryejnë aktivitete të ndryshme zbavitëse si : lojëra, punime me dorë, vizatime, krijime posterash, etj. -60 minuta