Takim me drejtues për trajnimin “Parime biznesi të suksesshëm”

Zv. Presidentja e Zhvillimit të Biznesit znj. Julia Janecko duke prezantuar

Rishtazi , qendra Lincoln organizoi një ‘mëngjes pune’ për drejtues dhe administratorë biznesesh dhe organizatash, të interesuar në trajnimin “Parime biznesi të suksesshëm”,  i cili do të fillojë në muajin tetor.

Takimi u drejtua nga Presidenti i Qendrës Lincoln Z. Gordon Schrank dhe Zv. Presidentja e Zhvillimit të Biznesit znj. Julia Janecko.

Trajnimi “Parime biznesi të suksesshëm” ka për synim të pajisë drejtuesit dhe administratorët e bizneseve apo organizatave, me njohuri dhe aftësi që i lejojnë ata t’i përgjigjen më mirë sfidave të shumta me të cilat përballen në një ekonomi tregu globale.

Presidenti i Qendrës Lincoln Z. Gordon Schrank duke prezantuar

Trajnimi është i organizuar në katër module kryesore. Çdo modul do të ofrohet nga një ekspert amerikan me mjaft eksperiencë, i cili do t’i ofrojë grupit një trajnim të personalizuar bazuar mbi konceptet më të mira duke i’u përshtatur nevojave të biznesit në tregun shqiptar.

Për të rritur efikasitetin, trajnimi do të ofrohet për një numër të kufizuar drejtuesish (maksimumi 15 persona) në mënyrë që ata të përfitojnë jo vetëm nga materiali, por edhe nga konsulenca e drejt-për-drejtë e ekspertit për çështje që lidhen me biznesin apo organizatën që ai/ajo drejton.

Drejtues dhe administratorë të pranishëm

Katër modulet e këtij trajnimi janë si më poshtë:

• Marketing
• Financa
• Burime njerëzore
• Planifikim strategjik

Për më shumë informacion ju ftojmë të vizitoni faqen përmbledhëse këtu, ose kontaktoni direkt me koordinatorin e trajnimit z. Josh Miekley (j.miekley@lincoln.org.al), i cili mund t’i përgjigjet çdo pyetje që keni në shqip apo anglisht.

Shënim! Trajnimi do të ofrohet në anglisht por me përkthim në shqip.